दक्ष जनशक्ति उत्पादनका लागि इन्जिनियरिङको पढाइ सुरु

शिक्षा

गृहपृष्ठ
शिक्षा
दक्ष जनशक्ति उत्पादनका लागि इन्जिनियरिङको पढाइ सुरु

दक्ष जनशक्ति उत्पादनका लागि इन्जिनियरिङको पढाइ सुरु

बिहीबार, साउन १०, २०८१ चेतना खबर

धनगढी- दक्ष जनशक्ती उत्पादनका लागि रामवृक्ष नागरिक बहुप्राविधिक शिक्षालयमा सिभिल इन्जिनियरिङ र जियोमेटिक्स इन्जिनियरिङको पढाइ सुरु भएको छ ।

धनगढीस्थित रुबस होटल नजिक रहेको शहिद रामवृक्ष नागरिक प्रतिष्ठानद्धारा सञ्चालित सो विद्यालयमा ३ बर्षे कोर्ष गर्न रु १ लाख ८० हजार लाग्ने गरेको विद्यालयका इन्जिनियर एवं प्राचार्य धनुषकुमार भट्टले चेतना खबरलाई जानकारी दिए ।
‘सिटीईभिटीको कार्यक्रम अन्तरगत हामीले दुई बिषयमा अध्यापन गराइ रहेको छौँ ’ उनले भने ‘दुईटै बिषयमा ४८÷४८ जनाको कोटा निर्धारण गरिएको छ ।’

‘चार जना जेहेन्दार विद्यार्थीका लागि सिटीईभिटीले परीक्षा लिएर उतैबाट छनौट गर्छ’ उनले भने विद्यालयमा पहिलो हुने एक जना विद्यार्थीका लागि स्कुलले नै छात्रवृतिको व्यवस्था गर्दै आएको छ ।’

यी बिषय अध्ययनरत विद्यार्थीको दक्षता क्षमता बढ्नुका साथै रोजगारीको अवसर पनि उत्तिकै हुने गरेको कार्यक्रम संयोजक दीपेन्द्र ओझाले बताए । यी बिषय अध्ययन गरेका विद्यार्थीका लागि विश्वका जुनसुकै कुनामा पनि अवसर नै अवसर भएको उनले बताए ।

प्रकाशित मिति: बिहीबार, साउन १०, २०८१ ०६:४२

प्रतिक्रिया दिनुहोस्