डडेल्धुराको जोगबुडा अस्पतालले अब नयाँ भवनबाट उपचार सेवा दिने

स्वास्थ्य

गृहपृष्ठ
स्वास्थ्य
डडेल्धुराको जोगबुडा अस्पतालले अब नयाँ भवनबाट उपचार सेवा दिने

डडेल्धुराको जोगबुडा अस्पतालले अब नयाँ भवनबाट उपचार सेवा दिने

शनिबार, माघ १९, २०८१ चेतना खबर

डडेल्धुरा - डडेल्धुराको भित्रिमधेशको जोगबुडा क्षेत्र परशुराम नगरपालिका मा रहेको जोगबुडा अस्पतालले आफ्नो नयाँ भवनबाट उपचार सेवा सुरु गरेको छ । अस्पताल व्यवस्थापन समिति अध्यक्षसमेत रहेका परशुराम नगरपालिकाका नगर प्रमुख भरत वडायर जोशीले अस्पतालको नयाँ भवनको शुक्रवार विधिवत रुपमा उद्घाटन गरि सेवा सुचारू गरे ।

विधिवत रुपमा अस्पताल भवनको उद्घाटन गरेपछि अस्पतालको सेवा नयाँ भवनबाट सुचारु गरिएको उनले बताए । अब चाँडै अस्पतालमा थप उपकरण सेवासहित व्यवस्थापकिय पक्ष सुधारका लागि पहल गरिने मेयर जोशीले बताए ।

स्वास्थ्य सेवाबाट भित्रिमधेश क्षेत्र परशुराम नगरपालिका र आलिताल गाउँपालिकावासीहरुले बाह्य मुलुक एवं कैलाली, काठमाडौं, नेपालगन्ज धाउनु पर्ने बाध्यताको अन्त्य गर्न जोगबुडा अस्पतालको सेवा प्रभावकारी बनाउन लागी परेको उनले बताए ।
हरेक आर्थिक वर्षमा नगरपालिकाले नागरिकको समस्यालाई मध्यनजर गरि निःशुल्क बिशेषज्ञ स्वास्थ्य शिविरसमेत आयोजना गर्दै आएको उनले बताए । बिशेषज्ञ, एमडि डाक्टर उपलब्ध छन । तर डाक्टरलाई अस्पतालमै लामो समय बस्ने वातावरण मिलाउनु पर्ने उनको भनाई छ ।

प्रकाशित मिति: शनिबार, माघ १९, २०८१ ०८:४०

प्रतिक्रिया दिनुहोस्