डडेल्धुरामा १६ बर्षदेखि पुल निर्माण अलपत्र,स्थानीय आन्दोलित

मुख्य समाचार

गृहपृष्ठ
मुख्य समाचार
डडेल्धुरामा १६ बर्षदेखि पुल निर्माण अलपत्र,स्थानीय आन्दोलित

डडेल्धुरामा १६ बर्षदेखि पुल निर्माण अलपत्र,स्थानीय आन्दोलित

सोमबार, चैत ४, २०८१ चेतना खबर

डडेल्धुरा - डडेल्धुराको सकायलमा १६ बर्ष देखि एउटा मोटरेवल पुल अलपत्र अवस्थामा रहेको छ।
जिल्लाको नवदुर्गा गाउँपालिका र गन्यापधुरा गाउँपालिका जोड्ने उक्त मोटरेवल पुल सकायलखोलामा बन्ने गरि वि सं २०६६ सालमा सडक डिभिजन कार्यालय कुलपाते र चाँदनी कन्ट्रक्सन निर्माण कम्पनी डडेल्धुरा बिच १४ करोड बराबरको टेन्डरमा ३ बर्ष भित्र सम्पन्न गरिसक्ने गरि दुइपक्षिय सम्झौता भएको नवदुर्गा गाउँपालिका वडा नम्बर ३ का अध्यक्ष भक्त बहादुर कठायतले जानकारी दिए ।

३ बर्ष अवधीभित्र सम्पन्न गरिसक्नुपर्ने निर्माण कार्य १६ बर्ष पुग्दा समेत निर्माण कार्य हालसम्म पनि सम्पन्न नभएको भन्दै स्थानिय वासि संघर्षसमिती नै बनाएर आन्दोलित बनेका छन।

सोमबार पुल निर्माणका लागि दवाव दिन बनेको संघर्ष समितिले जिल्ला प्रशासन कार्यालय डडेल्धुराका प्रमुख जिल्ला अधिकारीलाई ध्यानाकर्षण पत्र बुझाउँदै कम्पनी सञ्चालकलाई तत्काल निर्माण सम्पन्न गर्नका लागी दवाव तथा आवश्यक पहल गर्न ध्यानाकर्षण पत्र बुझाएको संघर्ष समितीका संयोजक तथा नवदुर्गा गाउँपालिका वडा नम्बर ३ का वडाअध्यक्ष भक्त बहादुर कठायतले जानकारी दिए।

उनका अनुसार निर्माणकम्पनी लाई पटकपटक ध्यानाकर्षण गराउँदा समेत आलटाल गर्दै आइरहेको र सो पुल निर्माणका लागी ठेक्का लगाउने निकाय सडक डिभिजन कार्यालय कुलपाते डोटी समेत बेखबर जस्तै बनेको संघर्ष समितीले जनाएको छ।

पुल निर्माण कार्य सम्पन्न यथासिघ्र गर्न साथै नवदुर्गा गाउँपालिका वडा नम्बर ३ स्थित डाँडावनमा निर्माण भईरहेको १५ सय्याको अस्पताल निर्माण कम्पनी राजेन्द्र निर्माण कन्ट्रक्सन र नवदुर्गा गाउँपालीका विच २०७८ सालमा सम्झौता भई सो अस्पतालको पनि हालसम्म जग निर्माण बाहेक अरु कुनै काम नगरी लापरवाही गरेकोले अस्पताल निर्माण कार्य पनि यथासिघ्र अगाडि बढाउन पहलका लागि प्रमुख जिल्ला अधिकारी लाई ध्यानकर्षण पत्र पेश गरेका जनाइएको छ ।

ध्यानाकर्षण पत्रमा उल्लेख भएअनुसार निर्माण कार्यलाई यथाशिघ्र अगाडी नबढाइए विभिन्न आन्दोलन सहितका कार्यक्रम समेत गर्न बाध्य हुने जनाइएको छ।

ध्यानाकर्षण पत्र