कोरोना भाइरसका संक्रमित ७० हजार भन्दा बढी पुगेका छन् ।
गत चैतमा कतारबाट आएकी एक युवतीबाट सुरु भएको नेपालको कोरोना भाइरसको संक्रमण पछिल्ला दिनमा दिनप्रतिदिन बढिरहेको छ ।
संक्रमण फैलिन नदिन सरकारले लगाएको लकडाउन हटेसँगै संक्रमितहरुको संख्या पनि तिब्र गतिमा फैलिरहेको छ । घना वस्ती भएका काठमाडौं जस्ता शहरमा नै सबैभन्दा धेरै संक्रमित थपिँदै गएका छन् ।
शुक्रबार भाइरसका १ हजार ३३१ जना नयाँ संक्रमित थपिएका छन् ।
देशभरका विभिन्न प्रयोगशालामा गरिएको १२ हजार २६२ पीसीआर परीक्षणमा १ हजार ३१३ जनालाई संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले बताए ।
मन्त्रालयमा आयोजित नियमित पत्रकार सम्मेलनमा प्रवक्ता गौतमले दिएको तथ्यांक अनुसार हालसम्म देशभर संक्रमितको संख्या ७० हजार ६१४ पुगेको छ ।
सक्रिय संक्रमित १८२८९ रहेको छ । संस्थागत आइसोलेसनमा ८ हजार २३७ जना रहेका छन । होम आइसोलेसनमा १० हजार ५२ जना रहेका छन् ।
२४ घण्टामा संक्रमण मुक्त भएर निको हुनेको संख्या १ हजार ४५५ रहेका छन् ।
६ जनाको मृत्यु
कोरोना संक्रमणबाट ३ जना महिलासहित ६ जनाको मृत्यु भएको छ । मृत्यु हुनेमा मोरङ, काठमाडौं र कपिलवस्तुका एक एक जना महिला रहेका छन् ।
यस्तै, मोरङ, सप्तरी र ललितपुरका एक एक जना पुरुष रहेको स्वास्थ्य तथा जनसंख्या मन्त्रालयले जनाएको छ ।
आजसम्म ४५९ जनाको मृत्यु भएको छ ।
-1734829640.jpg)
