नेपाल कम्युनिष्ट पार्टी नेकपाकी चर्चित नेतृ रामकुमारी झाँक्रीले लोकतन्त्र, गणतन्त्रका उपलब्धी विरुद्ध हमला गर्नेहरु विरुद्ध सधैंभर बोलिरहने प्रतिवद्धता जनाएकी छिन् ।
प्रचण्ड नेपाल नेकपाद्वारा काठमाडौंमा आयोजित बृहत् जनसभालाई सम्बोधन गर्दै नेतृ झाँक्रीले सन्की प्रधानमन्त्रीको प्यादा बन्नेहरुको विरुद्ध बोल्न पाइने बताएकी हुन् । झाँक्रीले सम्बोधन गर्नुअघि मुखमा बाँधेको कालो पट्टी खोलेकी थिइन् ।
खड्गप्रसाद ओली कागजी बादशाह भएको दाबी गरिन् । झाँक्रीले बाद्शाह ओली ढलिसकेको दाबी गर्दै त्यसको घोषणा गर्न मात्र बाँकी रहेको जिकिर गरिन् ।
झाँक्रीले आफुलाई राष्ट्रपति विरुद्ध बोलेकोप्रति आक्रमण भएको बिताउँदै सार्वजनिक पदको कुनै लिंग नहुने बताइन । राष्ट्रपतिप्रति इङ्गित गर्दै झाँक्रीले प्रधानमन्त्रीको पर्सनल एसिस्टेन्ट जस्तो बनेर राष्ट्राध्यक्षले देशलाई घात गर्न नपाउने जिकिर गरिन् । झाँक्रीले भनिन्, ‘सन्की प्रधानमन्त्रीको प्यादा बन्नेहरु विरुद्ध विरुद्ध बोल्न पाइन्छ ।’
आफुलाई कारवाही गर्न सिफारिस गर्ने अखिल नेपाल महिला संघका नेतृहरुलाई ब्यङ्ग गर्दै झाँक्रीले भनिन्, ‘विद्या भण्डारीले १८ वर्ष सिन्डिकेट गरेका अनेमसंघका अधिकारीहरुले भागिरथीहरुका हत्याराहरुलाई कारवाही गर भनेर गृहमन्त्रालय पुगेकी पुगेनन, मलाई बुझ्न मन छ ।’
नेतृ झाँक्रीले खड्ग ओली कागजी बादशाह भएको दाबी गर्दै ती ढलिसकेको र अब घोषणा गर्न मात्र बाँकी रहेको बताइन् । ‘ओली व्यक्ति होइन, त्यो प्रवृत्ति हो । यो प्रवृत्तिको विरुद्ध हामी लडाईं लड्दैछौं । यो प्रवत्तिका विरुद्ध हामीले विजयी बन्दैछौं’, झाँक्रीले भनिन् ।
-1734829640.jpg)
