सर्वोच्च अदालतले नेकपा खारेज गरेपछि ब्युँतिएको नेकपा एमालेभित्रको विवाद झन चरमोत्कर्षमा पुगेको छ ।
एमालेमा ओली समुहले एकलौटी निर्णय गर्दै माधव नेपाल पक्षधरहरुको जिम्मेवारी खोसेको छ । प्रधानमन्त्री निवास बालुवाटारमा बसेको ओली निकट केन्द्रीय सदस्यहरुको भेलाले माधवकुमार नेपालसहित नेपाल पक्षीय सबै नेताहरुको जिम्मेवारी खोसेको हो ।
बैठकले महासचिव बाहेक सबै पदाधिकारी खारेज गर्दै नेपाल निकट नेताहरुको जिम्मेबारी खोसेको हो ।
ओली पक्षले माओवादी केन्द्रबाट ओलीसँगै लागेका रामबहादुर थापासहित २३ जना नेताहरुलाई केन्द्रीय सदस्यमा मनोनित समेत गरेको छ ।
बैठकले २०७५ जेठ ३ अघिसम्म माधव नेपालले सम्हाल्दै आएको विदेश विभागको जिम्मेवारी खोसेर प्रधानमन्त्रीका विदेश मामिल्ला सल्लाहकार राजन भट्टराईलाई दिएको छ ।
यसैगरी बागमती प्रदेश इन्चार्जमा अष्टलक्ष्मी शाक्यको ठाउँमा माओवादीबाट आएका रामबहादुर थापालाई जिम्मेवारी दिइएको छ । सुदुरपश्चिम इन्चार्जबाट भीम रावललाई हटाएर लेखराज भट्टराई नै जिम्मेवारी दिएको छ ।
माओवादी केन्द्रबाट ओली पक्षमा लागेको भट्टलाई ओलीले पुष ५ गतेपछि आफु नेतृत्वको नेकपाको पनि सुदुरपश्चिम इन्चार्ज तोकेका थिए ।
कर्णाली प्रदेश इन्चार्जमा युवराज ज्ञवालीलाई हटाएर यमलाल कँडेललाई जिम्मेवारी दिइएको छ ।
यस्तै प्रदेश १ को जिम्मेवारी सुवास नेम्वाङलाई दिइएको छ । यसअघि माधव नेपाल निकट भीम आचार्य प्रदेश इन्चार्ज थिए । पार्टीको प्रवक्तामा योगेश भट्टराईको ठाउँमा प्रदीप ज्ञवालीलाई तोकिएको छ ।
बैठकमा एमाले अध्यक्ष ओलीले २०७८ मंसिर २ देखि ६ गतेसम्म महाधिवेशन गर्ने जनाएका छन् ।
-1734829640.jpg)
