भरतपुर महानगरपालिकाकी मेयर रेनु दाहाललले नेकपा (एमाले)कोे १०औँ राष्ट्रिय महाधिवेशनले महानगरपालिकामा गरिएको विकाशका कामहरु प्रष्टहुने बताएकी छिन् ।
एमाले विभाजन पछि हुन लागेको महाधिवेशनमा उद्घाटन कार्यक्रमका लागि देशभरबाट नेता तथा कार्यकर्ताहरु गरिे पाँच लाखभन्दा बढी सहभागी हुने व्यवस्थापन समितिले जनाएपछि उनले यस्तो बताएकी हुन् ।
आफू मेयरमा निर्वाचित भएपछि महानगरमा १० अर्बभन्दा बढी बजेट विनियोजन गरेर चितवन जिल्लामा वर्षैसम्म रोकिएका कामहरु गर्न र महानगरका हरेक वडा, स्थानमा पक्की सडक पुर्याउन सफल रहेको र शिक्षा, स्वास्थ्य, कृषि लगायतका क्षेत्रमा सोचेभन्दा राम्रो काम भएको बताएकी हुन् ।
चितवनबाटै प्रतिनिधि सभामा निर्वाचित माओवादी केन्द्रका अध्यक्ष पुष्पकमल दाहाल प्रचण्डका कारण यति धेरै बजेट महानगरमा ल्याउन सफल भएका कारण भरतपुर जिल्ला अस्पताललाई स्तरोन्नति र विकास गरेर केन्द्रीय अस्पताल बनाई महानगरमा एक वडा दुई स्वास्थ्य संस्था पनि निर्माण लगाएत विकास निर्माणमा सफल भएको बताईन् ।
भरतपुर महानगरपालिकामा कैयौँ सभा समारोह, प्रदर्शनी, अधिवेशन गर्न आउने थलो बनेको उल्लेख गर्दै महानगरपालिका राष्ट्रिय र अन्तराष्ट्रिय रुपमा स्थापित भएको स्थलमा नेकपा एमालेले चितवनमै आयोजना गरेको राष्ट्रिय महाधिवेशनले भरतपुरको विकासका कामको थप प्रचार हुनेभएकाले खुसी लागेको उनको धारण छ ।
साथै आज हुन लागेको अधिवेशनकालागि शुभकामना समेत व्यक्त गरेकी छिन् ।
व्यवस्थापन समितिले जनाए अनुसार मंसिर १२सम्ममा चल्ने महाधिवेशनले नयाँ नेतृत्व चयन गर्नेछ भने उद्घाटन एमाले अध्यक्ष केपी ओलीले मध्याह्न १२ बजे गर्ने कार्यक्रम रहेकोछ ।
-1734829640.jpg)
